Ամանորյա ասիկներ, առած-ասացվածքներ, բարեմաղթանքներ

***

Գալանտոս, տոս, տոս,
Գալանտոսը էկել է,
Դռան տակը կայնել է,
Շիլա շապիկ հագել է,
Մեկ ավուճին խայիլ է:

***

Շնորհավոր Նոր տարի,
Ձեր տունը շեն իլի,
Բարով նոր հագնեք,
Միշտ ուրախ իլեք:
Հացը բոլ իլի,
Աչքը կուշտ իլի,
Ձեզ էլ փայ իլի,
Մեզ էլ փայ իլի:

***

Ձեր տուն մտնի հազար բարի,
Հաճար, ցորեն, կորեկ, գարի,
Լիքը խորեր շատ ունենաք,
Կարմիր օրեր շատ ունենաք,
Կարմիր օրով, կարմիր շորով,
Ուրախ կենաք` լիքը տնով:

***

Ահա եկավ Նոր տարի,
Հետը բերավ նոր բարի,
Մանր տղոց ուրախ օր,
Բարի զավակ հորն ու մոր:

***

Հինը գնաց, նորը կուգա,
Հինը ուրախ ճանապարհեք,
Նորի համար պատրաստեցեք
Դուռ, լուսամուտ բացեք,
Ինչ ուզում եք խնդրեցեք:

***

Բարով եկար Նոր տարի,
Տուր մեզի ցորեն, գարի,
Մեր փեթակն ալուր կուզե,
Տանտիկինը յեղ կուզե,
Բուխարիկս մուխ կուզե,
Մեր օջախը փետ կուզե,
Այգուն, բաղջին պտուղ տուր,
Հիվանդություն թող չըլնի,
Ապրիք շատ ու շատ տարի:

***

Ձյունի սպիտակ ալյուր մաղեմ ,

Բերք-բարիքի տարի լինի:
Անուշ-անուշ խմոր շաղեմ,
Արտս ցորեն — գարի լինի,
Կլոր , կարմիր գաթա թխեմ,
Թող թխածս բարի լինի:

***
Առատ տարի, բերքը` բարի:

***
Ամառվա փուշ` ձմեռվա նուշ:

***
Ձմեռվա վարդը կրակն է:

***
Ամառ բեր, ձմեռ կեր:

Advertisements
Հրատարակված՝ 2018-2019 ուսումնական տարի, Без рубрики, Ամանորյա իրարանցում-ում | Թողնել մեկնաբանություն

Ամանորյա հրաշք

Լինում է, չի լինում մի գեղեցիկ անտառ է լինում`սաղարթախիտ ու կանաչ: Անտառում միշտ զգացվում է  զարմանահրաշ ծաղիկների բույրն, ու լսվում էր բազմագույն թռչունների ուրախ երգը: Անտառում ապրում էին  բազմաթիվ գեղեցիկ ու բարի կենդանիներ: Զարմանալի էր, բայց կենդանիները շատ համերաշխ եին ապրում և իրար չէին վնասում: Նրանք միասին խնամում էին անտառը, միասին պատրաստվում էին ձմռան գալուն: Նրանց  ամենասիրելի տոնն  Ամանորն է: Բոլորը պատրաստվում էին այդ հրաշալի տոնին: Եվ ահա արջը, նապաստակը և ոզնին որոշեցին գնալ անտառ և ընտրել  եղևնի:

-Եղևնին պետք է լինի շատ մեծ և բարձր,- ասաց արջը:
-Ինչո՞ւ բարձր,- զարմացավ նապաստակը:
-Թող այն  լինի փոքրիկ, փափուկ և արծաթափայլ, ինչպես ես:
-Ո՜չ, ո՜չ եղևնին պետք է լինի փշոտ և փոքր:
-Իսկ ես ասում եմ, որ այն պետք է լինի մեծ, խոշոր` ինչպես ես,- մռթմռթաց արջը:
Կենդանիները նեղացան, և ամեն մեկը  քաշվեց մի կողմ: Արջը փնթփնթալով այս ու այն կողմ գնաց, հոգոց հանեց և ասաց.
-Թող եղևնին լինի բարձր, փշոտ և արծաթափայլ:
-Ճի՜շտ է, ճի՜շտ է,- բացականչեցին ոզնին ու նապաստակը:

Վերջապես նրանք ընտրեցին ամենագեղեցիկ եղևնին: Առավոտյան կենդանիները` խաղալիքներով լցված բազմաթիվ արկղերով, եկան անտառի խորքը և զարմանքից քարացան` ոչ մի եղևնի չէր մնացել:Մարդիկ բոլորը կտրել ու տարել էին: Նապաստակները սկսեցին բարձրաձայն լացել:

-Տեսե՜ք,  տեսե՜եք,- գոռաց արջը- այնտեղ հեռվում մի փոքրիկ եղևնի կա, թող այն լինի մեր տոնածառը:

-Տոնածառը փոքր, բայց մեր սրտերը թող լինի մեծ ու բարի- շատախոսեց սկյուռիկը:

Կենդանիները  զարդարեցին եղևնին և հեռացան: Ամանորյա գիշերը կենդանիները հավաքվեցին և փոքրիկ տոնածառի փոխարեն տեսան մի  հսկայական, արծաթափայլ եղևնի` զարդարված փայլփլուն խաղալիքներով ու լույսերով: Դա  Ձմեռ  Պապի ամանորյա հեքիաթային նվերն էր բարի կենդանիներին: Երբ հավատում ես ամանորյա հրաշքներին, նրանք միշտ էլ կատարվում են:

Հրատարակված՝ Без рубрики, Ընթերցարան-ում | Թողնել մեկնաբանություն

Թագավորի նոր զգեստը

                                                                                                                                                                                     Հանս Քրիստիան Անդերսեն

 

Այս թագավորության թագավորը հայտնի էր իր զգեստապաշտությամբ։ Նորաձևության գիտակ էր, շքեղության ջատագով, նրան ամեն օր նույն զգեստով տեսնելն ուղղակի անհնար էր։

Այլ թագավորություններից ժամանած խարդախները թագավորի  արքունիքին փոխանցում են, որ թագավորություն են եկել աշխարհի հայտնի ամենատաղանդավոր դերձակները, որոնք կախարդական կտորներից են զգեստենր կարում և այդ զգեստները կարող են տեսնել միայն խելոքները։

Թագավորին միանգամից հետաքրքրում է այդ նոր կտորի գոյությունը և նա խարդախ-դերձակներին հրավիրում է պալատ ու հրահանգում իր համար կախարդական կտորից մի զգեստ կարել։ Դերձակները զգուշացնում են, որ կտորն ունակ են տեսնել միայն խելացի մարդիկ, հիմարները զգեստը տեսնել չեն կարող։ Խարդախների առաջարկով ոգևորված ու խաբված թագավորը պալատում տեղ է հատկացնում եկվորներին ու հանձնարարում արքունականներին ամեն կերպ աջակցել նրանց։ Երբ աշխատանքը սկսվում է թագավորը ժամանակ առ ժամանակ իր ենթականերին ուղարկում է դերձակների մոտ, որպեսզի ճշտեն, թե ինչպե՞ս են անում իրենց գործը։

Հպատակները մտնելով դերձակների սենյակ կարի սեղանիկին ոչինչ չեն տեսնում, ոչ մի զգեստ, սակայն հիմար չթվալու համար վերադառնում են թագավորի մոտ ու ասում, որ զգեստն ուղղակի շքեղ է, փոռիկներով ու գույնզգույն փայլերով։ Ամբողջ թագավորությունով մեկ խոսքը փաստ է դառնում, և բոլորին հասնում է, որ միայն խելացիները կարող են տեսնել զգեստը, որը շուտով պիտի հագնի թագավորը։

Երբ դերձակ-խարդախները հայտարարում են, որ զգեստը պատրաստ է, գնում են թագավորի մոտ, որպեսզի նրան հանձնեն անտեսանելի հագուստը։

Սակայն թագավորը դերձակների բերած զեստը չի տեսնում և ամաչում է ամբողջ թագավորության աչքին հիմար երևալ ու սկսում է գովել անտեսնալի զգեստը, ապա հագնում է գոյություն չունեցող հագուստն ու դուրս է գալիս ժողովրդի մոտ։

Մի ամբողջ ժողովուրդ հիմարի տպավորություն չթողնելու համար ցնծությամբ է դիմավորում թագավորին ու գովաբանում նրա  զգեստը, որն իրականում գոյություն չուներ։

Թագավորը պարզապես մերկ էր։

Որոշ ժամանակ անց մի մանուկ դուրս է վազում թագավորի առաջ ու գոռում։

— Ախր թագավորը մերկ է։

Հավաքվածներն իսկույն սկսում են փսփսալ ու անկեղծանալով հաստատում, որ թագավորն իրոք մերկ է։ Դրան հաջորդում է ծիծաղն ու աղաղակը, թագավորի հետ չհամաձայնվելու կամ նրան ծաղրելու համար մեղադրվելու վախը վերանում է, իսկ թագավորը մտածում է․

— Սրանք բոլորը հիմար են, իսկ ես պիտի գնամ մինչև վերջ։

Ու քիթը ցցած նա առաջ է անցնում, հետևից քարշ տալով հպատակներին, որոնք բռնել էին գոյություն չունեցող զգեստի փեշերը։

 

Հրատարակված՝ Без рубрики, Ընթերցարան-ում | Թողնել մեկնաբանություն

Աշխատանքային նախագիծ 10.12.2018 — 14.12.2018

ՈՒսումնական երթուղիների երթ կրթահամալիր

Առավոտյան ընդհանուր պարապմունք

Մայրենի

Շաբաթվա ընթերցանություն

Հանս Քրիստիան Անդերսեն <<Թագավորի նոր զգեստը>

Ավետիսներ

Ալելուիա, ալելուիա,

Հինը գնաց, նորը կու գա,

Հինը ուրախ ճանապարհեք,

Նորի համար պատրաստեցեք

Դուռ, լուսամուտ բացեք,

Ինչ որ կամիք խնդրեցեք,

Թե կյանք, թե խելք, թե մալ,

Ամենքիդ մուրազն ալ

Կու տա, միամիտ եղեք:

Աղաներ ու խաթուններ,


Ձեզ շնորհավոր Նոր տարի,

Ապրիք շատ ու շատ տարի

Աշխատանք հայոց լեզվի գիրք — տետրում

Մաթեմատիկա

Կլոր տասնյակների բաժանումը միանիշ թվի:
Կլոր տասնյակների բաժանում և բազմապատկում:
Կազմել խնդիրներ և լուծել:

Ես և շրջակա աշխարհը

Միջավայրի խնամք, ծաղիկների խնամք

Բույսերն ու կենդանիները ձմռանը

  • Ինչո՞վ է տարբերվում ձմեռը տարվա մյուս եղանակներից
  • Ձմռանը տեղի ունեցող փոփոխություններ
  • Ինչպե՞ս են ձմեռն անցկացնում տարբեր կենդանիները

 

Տեխնոլոգիա

Ամանորյա իարարանցում.Գույներ և ազդեցություններ.

  • Դասասենյաի ամանորյա ձևավորում
  • Տոնական ծառի զարդարում
  • Ամանորյա բացիկների պատրաստում

Երգի ուսուցում

Ամանորյա և սուրբ Ծննդյան երգեր, ավետիսներ 2018

«Բասեն բարի»
«Զար Զընգը»
«Մհեր ճութ էր»

Պարի ուսուցում

Խամ-խամա

Շախմատ և տրամաբանական խաղեր

Լող

Քայլքով գնում ենք դեպի Արևմտյան դպրոց , մի մասը լողում է փակ լողավաղանում , մյուսը մասը գնում է Ագարակ՝ կենդանիներին կերակրելու և խնամելու:

Հեծնվավարություն

Սովորողի ընտրությամբ գործունեություն

Անգլերեն

Ռուսերեն

Հրատարակված՝ 2018-2019 ուսումնական տարի, Աշխատակարգ-ում | Թողնել մեկնաբանություն

Ամանորյա և սուրբ Ծննդյան երգեր, ավետիսներ 2018

Ամանորյա և Սուրբ ծննդյան երգեր, ավետիսներ միասնական կատարման համար

Հրատարակված՝ 2018-2019 ուսումնական տարի, Ամանորյա իրարանցում-ում | Թողնել մեկնաբանություն

ՈՒսումնական առաջին շրջանի ամփոփում

Սեպտեմբեր ամսվա հաշվետվություն

Հոկտեմբեր ամսվա հաշվետվություն

Նոյեմբեր ամսվա հաշվետվություն

Դեկտեմբեր ամսվա հաշվետվություն

Սովորողի անհատական բլոգ

Նատալի Մովսիսյան

Հենրիկ Կարապետյան

Ռաֆայել Փերիխանյան

Ելենա Կարապետյան

Ռոզա Մովսիսյան

Մագա Սահակյան

Տաթև Արզումանյան

Բաբգէն Շահինեյան

Էրիկ Օհանյան

Գեղամ Տիգրանյան

Կատրին Մկրտչյան

Վիկտորիա Եդիգարյան

Լուիզա Խաչատրյան

Արտավազդ Մկրտչյան

Մուշեղ Հոխիկյան

Նատալի Տագեսյան

Լառա Պետրոսյան

Էդգար Ղումաշյան

Լիա Լալայան

Հարութ Կարապետյան

Սերո Կարագուլլյան

Սերո Կարագուլլյան

Շարբել Անոնի Ալ Բըշռռաուի

Աննամարիա Մարգարեան

Ատրինէ Մարգարեան

Դավիթ Մնացականյան

Գագիկ Հակոբյան

 

Հրատարակված՝ 2018-2019 ուսումնական տարի, Հաշվետվություն-ում | Թողնել մեկնաբանություն

Դեկտեմբեր ամսվա հաշվետվություն

Դեկտեմբեր ամսին Հյուսիսային դպրոցի 3-1 դասարանի սովորողների հետ իրականացրել ենք հետևյալ նախագծերը՝

Ամանորի ծես

Գույներ և ազդեցություններ

Բլոգավարությունը 3-րդ դասարանում

Հենրիկ Մալյանի անվան կինոդերասանի թատրոն

Հեքիաթներ

Մեդիաուրբաթ

Ամանորյա օրացույց

Ամանորյա իրարանցում

Կառուցողական խաղերը երրորդ դասարանում

Ծնողական հավաք-սեմինար

Աշխատանքային նախագիծ 26.11.2018 — 30.11.2018

Աշխատանքային նախագիծ 19.11.2018 — 23.11.2018

Շարունակելի

Հրատարակված՝ Հաշվետվություն-ում | Թողնել մեկնաբանություն